მუსლიმი ახალგაზრდების დამოკიდებულებები მედია გაშუქებისა და შეურაცხმყოფელი ტერმინოლოგიის მიმართ

წინამდებარე ანგარიში მედიის განვითარების ფონდის მიერ 2017 წლის სექტემბერში ჩატარებული ფოკუს ჯგუფების შედეგებს ასახავს. კვლევის მიზანი მედიაში მუსლიმთა თემატიკის გაშუქებისადმი თავად მუსლიმი ახალგაზრდების დამოკიდებულებების შესწავლა იყო. 

კვლევისთვის მედია შინაარსი მედიის განვითარების ფონდის მიერ 2017 წლის 15 ივნისი – 15 სექტემბრის პერიოდში ჩატარებული ქართული და რუსული მედიის მონიტორინგის მონაცემებიდან შეირჩა, გარკვეულ შემთხვევებში კი ასევე გამოყენებული იყო საარქივო მასალა. კვლევის ფარგლებში დაკვირვების საგანი იყო როგორც მედია გაშუქების პროფესიული სტანდარტი და ეთიკის ნორმების დაცვა, ასევე დამოკიდებულებები მედიით გამოვლენილი გზავნილების, ტერმინოლოგიის და მედიის თვითრეგულირების მექანიზმების მიმართ. კვლევის საბოლოო მიზანი კი მედიისთვის გზამკვლევის შემუშავება იყო, რომელიც მუსლიმთა თემატიკის პროფესიულად და ეთიკის ნორმების დაცვით გაშუქების სახელმძღვანელო პრინციპებს მოიცავს. 

ანგარიში სამი ნაწილისგან შედგება: პირველი ნაწილი მედიის თვითრეგულირების სისტემას შეეხება, მეორე – მედია გაშუქების სხვადასხვა ასპექტებს, მესამე დასკვნითი ნაწილი კი მედიის გზამკვლევს ეთმობა, რომელშიც კვლევის მთავარ მიგნებებს შესაბამისი რეკომენდაციები ერთვის. დანართში მოცემულია დამხმარე ტერმინოლოგიური ლექსიკონი ჟურნალისტებისთვის.

ავტორები:  თამარ კინწურაშვილი, სოფო გელავა
მეთოდოლოგია: მედიის განვითარების ფონდი, MDF
რეცენზირება:  ბექა მინდიაშვილი
დიზაინი: ბესიკ დანელია
ბმული: მუსლიმი ახალგაზრდების დამოკიდებულებები მედია გაშუქებისა და შეურაცხმყოფელი ტერმინოლოგიის მიმართ