აქტივობები
მედიის განვითარების ფონდი (MDF) გაეროს ბავშვთა ფონდისა (UNICEF) და აშშ-ის საერთაშორისო განვითარების სააგენტოს (USAID) მხარდაჭერით იწყებს ახალ პროექტს, რომლის მიზანია პანდემიასთან დაკავშირებით გავრცელებულ დეზინფორმაციასთან ბრძოლა ახალგაზრდების მედიაწიგიერების უნარებით აღჭურვის გზით.
პროექტის ფარგლებში, რომლის სლოგანია "ნუ დაინფიცირდები დეზინფორმაციით!” გათვალისწინებულია ახალგაზრდებისა და მასწავლებლებისთვის მედიაწიგნიერების ტრენინგების და სემინარების ჩატარება, რათა მათ COVID-19-ზე დეზინფორმაციის იდენტიფიცირება, გადამოწმება და მიღებული ცოდნის გავრცელება შეძლონ.
პროექტი ასევე ითვალისწინებს ვებინარებს ახალგაზრდებისა და მშობლებისთვის, რათა მოზარდებმა ახალ მედია ეკოსისტემაში უსაფრთხო ნავიგაცია შეძლონ და საზიანო ინფორმაციასთან ბრძოლაში მათი, როგორც მედიის მომხმარებლების, როლი გააცნობიერონ.
აქტიური მედიაწიგნიერების კამპანიის ფარგლებში, პროექტი ხელს შეუწყობს ახალგაზრდებს, COVID-19-ზე გავრცელებულ საზიანო ინფორმაციას მეცნიერულ მტკიცებულებებზე დაფუძნებული ფაქტები დაუპირისპირონ და ინფოდემიასთან ბრძოლაში საკუთარი წვლილი შეიტანონ.