დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
GNAVZ
გაგზავნა

სიახლეები

თარიღი: 19 ივლ 2013

„სიძულვილის ენა მედიაში“ - დისკუსია თსუ-ში

18 ივლისს ივ. ჯავახიშვილის სახელობის თბილისის სახელმწიფო უნივერსიტეტში გაიმართა დისკუსია „სიძულვილის ენა მედიაში". დისკუსიაზე არასამთავრობო ორგანიზაციამ „მედიის განვითარების ფონდი" წარმოადგინა ქართული მედიის მონიტორინგის ანგარიში. მონიტორინგი განხორციელებულია 2013 წლის 15 აპრილიდან. მონიტორინგი 6 გაზეთის (ასავალ-დასავალი, რეზონანსი, 24 საათი, ქრონიკა, ალია, კვირის პალიტრა); 6 ტელევიზიის (საზოგადოებრივი მაუწყებელი, იმედი; რუსთავი 2; კავკასია, მაესტრო და მე-9 არხი) დღის მთავარი საინფორმაციო გამოშვებებისა და თოქ-შოუების, ასევე მედია-კავშირ "ობიექტივის” საღამოს თოქ-შოუს დაკვირვებას ითვალისწინებს.

მონიტორინგი ხორციელდება პროექტის „სიძულვილის ენისა და დისკრიმინაციული გამოხატვის მონიტორინგი მედიაში" ფარგლებში. პროექტი მიდინარეობს საქართველოს გაეროს ასოციაციისა და ფონდ „ღია საზოგადოება საქართველოს" მიერ აშშ-ს საერთაშორისო განვითარების სააგენტოს (USAID) მხარდაჭერით პროექტ "ეროვნული ინტეგრაციის გაძლიერება საქართველოში” ფარგლებში;

დისკუსიას დაესწრნენ თსუ-ს სტუდენტები და ახალგაზრდა ჟურნალისტები. განსაკუთრებული აქცენტები გაკეთდა 17 მაისისა და სამთაწყაროს მოვლენების გაშუქებასა და დარღვევების შესაძლო პრევენციაზე.
უკან