დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
IOFKT
გაგზავნა

სიახლეები

თარიღი: 14 აპრ 2014

MDF-ისა და TDI-ის საჩივარი გაზეთ "რეზონანსის" წინააღმდეგ

5 მარტს მედიის განვითარების ფონდმა, MDF და ტოლერანტობისა და მრავალფეროვნების ინსტიტუტმა, TDI ჟურნალისტური ეთიკის ქარტიას გაზეთ "რეზონანსის" წინააღმდეგ საჩივრით მიმართა, რომელიც 12 მარტს გამოქვეყნებულ სტატიას "ჰოლივუდის ვარსკვლავები, რომელთაც ჰომოსექსუალები სძულთ" შეეხება.

 

MDF-ს და TDI-ს აზრით, სათაური ლგბტ პირების მიმართ სიძულვილის გაღვივებას უწყობს ხელს და წარმოადგენს ჟურნალისტური ეთიკის ქარტიის მე-7 მუხლის დარღვევას დისკრიმინაციის წახალისების დაუშვებლობის შესახებ. საჩივრის თანახმად, გაზეთმა ასევე დაარღვია ქარტიის პირველი მუხლი (სიზუსტე), რადგან სტატიის შინაარსი სრულად არ შეესაბამება სათაურს და გვთავაზობს იმ ადამიანთა თვალსაზრისსაც, ვინც ლგბტ ჯგუფების უფლებების დამცველად გვევლინება ან ვისი დამოკიდებულებაც არ შეიძლება შეფასდეს სიძულვილად.

 

11 აპრილს ჟურნალისტური ეთიკის ქარტიამ აღნიშნული საჩივარი შემდგომი განხილვის მიზნით დასაშვებად ცნო.

უკან