ქცევის კოდექსი
სემინარში მონაწილეობა მიიღეს ცენტრალური და რეგიონული მედიის წარმომადგენლებმა. სემინარზე განხილული იყო მედიაში უმცირესობათა წარმოჩენის, ჟურნალისტური ეთიკის, ტოლერანტობისა და მრავალფეროვნების საკითხები. სემინარს ექსპერტები: ნინო დანელია, ეკა აღდგომელაშვილი, ლაშა ბუღაძე და სახალხო დამცველთან არსებული ტოლერანტობის ცენტრის წარმომადგენლები ბექა მინდიაშვილი, ნინო ცინცაძე და მედიის განვითარების ფონდის წარმომადგენლები ქეთი მსხილაძე და თამარ ხორბალაძე უძღვებოდნენ. სემინარზე განხილულ იქნა ფონდის მიერ ეთნიკური და რელიგიური უმცირესობების გაშუქების თემაზე ჩატარებული მონიტორინგის შედეგები.
სემინარი ორგანიზებული იყო საქართველოს სახალხო დამცველთან არსებული ტოლერანტობის ცენტრის მიერ. სემინარის მხარდაჭერას ახორციელებდა გაეროს განვითარების პროგრამა და აშშ-ს საერთაშორისო განვითარების სააგენტოს მიერ დაფინანსებული საქართველოს გაეროს ასოციაციის "ეროვნული ინტეგრაციისა და ტოლერანტობის” პროგრამა.