დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
IPNIS
გაგზავნა

სიახლეები

თარიღი: 25 სექ 2015

საერთაშორისო სემინარი IMED 2015 თვითცენზურისა და სიძულვილის ენის რეგულაციებს მიეძღვნა

25 სექტემბერს მედიის განვითარების ფონდის ორგანიზებითა და ილიას უნივერსიტეტთან და საქართველოს გაეროს ასოციაციასთან თანამშრომლობით საერთაშორისო სემინარი IMED 2015  გაიმართა.

სიტყვის თავისუფლების ეთიკაზე მსჯელობას ორი პანელი მიეძღვნა. შარლ ებდოს მკვლელობისა და თვითცენზურის საკითხზე დისკუსიაში მონაწილეობას BBC-ის კორესპონდენტი ნატალია ანთელავა, თეოლოგი ბექა მინდიაშვილი და ილიას უნივერსიტეტის კონსტიტუციური სწავლების დირექტორი  გიორგი მელაძე იღებდნენ. გამომსვლელებმა მიმოიხილეს BBC-ის რეგულაციები მუჰამედის იმიჯის ჩვენებასთან დაკავშირებით, ასევე სხვადასხვა საზოგადოებებსა და კულტურებში თვითცენზურის განსხვავებულ პრაქტიკაზე, მათ შორის  რელიგიური გრძნობებით განპირობებულ თვითშეზღუდვებსა და გამოხატვის თავისუფლების სამართლებრივ გარანტიებზე.

მეორე პანელი თვითრეგულირების მექანიზმებს მიეძღვნა, კერძოდ, ილიას უნივერსიტეტის პროფესორმა ნინო დანელიამ და ჟურნალ „17 მაისის" რედაქტორმა ირაკლი ვაჭარაძემ რადიო თავისუფლების ქართული ბიუროს მაგალითზე იმსჯელეს, უნდა შეიზღუდოს თუ არა კონტრიბუტორების მასალა, რომელიც სიძულვილის ენას შეიცავს.

მედია ეთიკის საერთაშორისო დღე  IMED 2015 წელს მედია ეთიკის საერთაშორისო ცენტრის მიერ CIME მსოფლიოს სხვადასხვა ქვეყანაში 22-30 სექტემბრის პერიოდში იმართება. საერთაშორისო მედია ეთიკის ცენტრის - CIME  პარტნიორი საქართველოში მედიის განვითარების ფონდია.IMED 2014-ის ფორმატში  პირველად საერთაშორისო სემინარი 2014 წლის 19 სექტემბერს ილიას უნივერსიტეტთან და საქართველოს გაეროს ასოციაციასთან პარტნიორობით გაიმართა.

2011 წლის IMED-ის შემდეგ, როდესაც ღონისძიებაში 11 ქვეყნიდან 300 ადამიანი მონაწილეობდა, მისი პოპულარობა მსოფლიოში იზრდება. 2013 წელს მასში 32 ქვეყნიდან 800-ს ადამიანზე მეტი მონაწილეობდა. IMED 2014 წელს მსოფლიოს 50 ქვეყანაში ერთდროულად 19 სექტემბერს გაიმართა. 

უკან