დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
IWKMU
გაგზავნა

სიახლეები

თარიღი: 05 ოქტ 2016

ცესკომ „საქართველოს პატრიოტთა ალიანსი“-ს მიმართ ქსენოფობიური შინაარსის საარჩევნო რეკლამის გამო ადმინისტრაციულ სამართლდარღვევის ოქმი შეადგინა

ცენტრალურმა საარჩევნო კომისიამ საარჩევნო ბლოკის „დავით თარხან-მოურავი, ირმა ინაშვილი, საქართველოს პატრიოტთა ალიანსი-გაერთიანებული ოპოზიცია" მიმართ, საქართველოს ორგანული კანონის „საქართველოს საარჩევნო კოდექის" 45-ე მუხლის მე-3 პუნქტის დარღვევასთან დაკავშირებით  ადმინისტრაციულ სამართლდარღვევის ოქმი შეადგინა და თბილისის საქალაქო სასამართლოს ადმინისტრაციულ კოლეგიას გადაუგზავნა.

საარჩევნო ბლოკმა  „დავით თარხან-მოურავი, ირმა ინაშვილი, საქართველოს პატრიოტთა ალიანსი-გაერთიანებული ოპოზიციამ" 2016 წლის 22 სექტემბრიდან მედიაში ქსენოფობიური შინაარსის პოლიტიკურ საარჩევნო რეკლამა განთავსა. ასევე, მათ სააგიტაციო მასალაში და სოციალურ ქსელ Facebook-ის ოფიციალურ გვერდზე განთავსებულია აშკარა თურქოფობიული შინაარსის შემცველ ინფორმაცია, რომელშიც  ცალსახად და აშკარად იკვეთება პოლიტიკური ძალის მკვეთრად უარყოფითი დამოკიდებულება თურქი ეროვნების ხალხის მიმართ, რითაც პოლიტიკური პარტია ცდილობს თურქი ხალხისგან მტრის ხატის შექმნას და მათ წინააღმდეგ ბრძოლა პარტიის ერთ-ერთ მთავარ მიზნადაა წარმოდგენილი. 

სამოქალაქო პლატფორმა „არა ფობიას!" წევრმა არასამთავრობო ორგანიზაციებმა ცენტრალურ საარჩევნო კომისიას ზემოაღნიშნული ფაქტების გამო ადმინისტრაციული სამართალწარმოების დაწყების მოთხოვნით 2016 წლის 28 სექტემბერს მიმართს. ცენტრალური საარჩევნო კომისიიდან 3 ოქტომბერს გამოგზავნილი პასუხით გვეცნობა, რომ ცესკოს თავმჯდომარის მიერ იმავე დღეს გამართულ ზეპირ მოსმენაზე ზემოხსენებული პოლიტიკური სუბიექტის მიმართ შედგა ადმინისტრაციული სამართალდარღვევის ოქმი, რომელიც თბილისის საქალაქო სასამართლოს გადაეგზავნება. 
 
საქართველოს დემოკრატიული ინიციატივა (GDI) 
მედიის განვითარების ფონდი (MDF) 
ტოლერანტობის და მრავალფეროვნების ინსტიტუტი (TDI) 
ლგბტ საქართველო 
სამართლიანი არჩევნებისა და დემოკრატიის საერთაშორისო საზოგადოება (ISFED) 
საერთაშორისო გამჭვირვალობა - საქართველო (TI) 
ადამიანის უფლებების სწავლებისა და მონიტორინგის ცენტრი (EMC) 
უკან