2020 წლის ოქტომბრის თვე დატვირთული იყო თემატური ტრენინგებითა და ვორქშოფებით მედიის განვითარბეის ფონდის (MDF) პარტნიორებისგან Bellingcat-დან და Facebook-დან, რომლებიც MDF-ის პირველი გლობალური ჰაკათონის ფარგლებში ჩატარდა. 

8 ოქტომბერს გამართულ ვორქშოფზე Bellingcat-ის მკვლევარმა და ტრენერმა ნარინე ხაჩატრიანმა ჟურნალისტებს, ფაქტჩექერებსა და მედიაწიგნიერებით დაინტერესებულ მონაწილეებს ღია წყაროებზე დაყრდნობით კვლევის მეთოდები და ციფრული მასალების ვერიფიკაციის ხერხები გააცნო. 

21 ოქტომბერს კი MDF-მა Facebook-თან პარტნიორობით ჟურნალისტებისა და ფაქტჩექერებისთვის წინასაარჩევნო ვებინარს უმასპინძლა, სადაც Facebook-ის Third Party Fact-Checking პროგრამის ხელმძღვანელი სოფი აიარსი ქართველ და უცხოელ ჟურნალისტებს არჩევნებსა და ჟურნალისტების უსაფრთხოების თემაზე ესაუბრა. 

2020 წლის 22-23 ოქტომბერს ყალბი ამბების წინააღმდეგ გამართულ გლობალურ ჰაკათონზე - Hacking the Fake News - მედიის განვითარების ფონდმა (MDF), ფორსეტთან ერთად, დეველოპერებს, გრაფიკულ დიზანიერებს, მედიაწიგნიერებითა და ციფრული ტექნოლოგიებით დაინტერესებულ ადამიანებს მსოფლიოს 16 ქვეყნიდან უმასპინძლა. MDF-ის პირველი გლობალური ჰაკათონი Bellingcat-სა და Facebook Journalism Project-თან პარტნიორობით, Zinc Network-ის ფინანსური მხარდაჭერით ჩატარდა. ჰაკათონის community პარტნიორი იყო Digital Communication Network. მედია პარტნიორიები - On.ge და Civil.ge.