დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
DSEDT
გაგზავნა

სიახლეები

თარიღი: 19 ივნ 2014

კონკურსში გამარჯვებული 10 ბლოგერი და 10 ლიდერი ქალი დაჯილდოვდა


19 ივნისს, სასტუმრო "რადისონში" მედიის განვითარების ფონდმა ბლოგერების კონკურსში "ჩემი ლიდერი ქალი" გამარჯვებული 10 ბლოგერის და 10 ლიდერი ქალის დაჯილდოვების ცერემონია გამართა.  

 

კონკურსში გამარჯვებულებს სპეციალური პრიზები და სერტიფიკატები ცენტრალური საარჩევნო კომისიის თავმჯდომარე თამარ ჟვანიამ, გაეროს ქალთა ორგანიზაციის წარმომადგენელმა საქართველოში ერიკა კვაპილოვამ, UNICEF--ის საქართველოს ოფისის წარმომადგენელმა მაია ქურციკიძემ, ტელეკომპანია "რუსთავი 2"-ის საინფორმაციო სამსახურის უფროსმა გიორგი ლაფერაშვილმა, ტოლერანტობის ცენტრის ხელმძღვანელმა ბექა მინდიაშვილმა, კავკასიის ჟურნალისტიკისა და მედია მენეჯმენტის სკოლის ლექტორმა თიკო ცომაიამ, გაეროს ასოციაციის ხელმძღვანელმა რამაზ აფციაურმა გადასცეს.

 

კონკურსში გამარჯვებულმა ბლოგერებმა ხატია ღოღობერიძემ, მაია მოსიაშვილმა, ნათია კარანაძემ, თამუნა ჯანჯულიამ, ნინო ნარიმანიშვილმა, ანა კოპალიანმა, თამარ კურატიშვილმა, იზოლდა ნოზაძემ, რაფიკ აბაჯიანმა, ნინა მარიკიანმა მოამზადეს ბლოგები არინა თავაქარიშვილის (გორი), ოლგა ენდელაძის (მარნეული), ნინო ქათამაძის (თბილისი), ნატო ბენდელიანის (თაგილონი), მარინა მოდებაძის (ახალციხე), საიდა ნოვრუზოვას (გარდაბანი, სართიჭალა), ნანა ბაგალიშვილის (წნორი), ნუნუ გავაშელის (სოფელ ღები, რაჭა), სედა მელქუმიანის (ახალქალაქი) და კარმენ ოვსეპიანის (ნინოწმინდა) შესახებ.

 

კონკურსის მიზანი იყო დემოკრატიულ მმართველობასა და გადაწყვეტილებების მიღების პროცესში ქალთა ჩართულობის გაზრდა და ადგილობრივი ლიდერი ქალების გამოვლენა.

 

კონკურსი საარჩევნო სისტემების განვითარების, რეფორმებისა და სწავლების ცენტრის მხარდაჭერით განხორციელდა.

 

გამარჯვებული ბლოგები ხელმისაწვდომია გენდერმედიატორის ვებ-გვერდზე.


უკან