დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
QKXBW
გაგზავნა

განცხადებები

თარიღი: 01 სექ 2016

ტრენინგი რეგიონული მედიისთვის, საგამოძიებო ჟურნალისტიკაში

MDF-ის ტრენინგი რეგიონული მედიისთვის საგამოძიებო ჟურნალისტიკაში: ელექტრონული მონაცემების მოპოვება და მონაცემთა ვიზუალიზაცია

მედიის განვითარების ფონდი (MDF), ამერიკის საელჩოს მხარდაჭერით, აცხადებს კონკურსს რეგიონული მედიისთვის - პროექტ "ელექტრონული სერვისებისა და ახალი მედიის შესაძლებლობები საგამოძიებო ჟურნალისტიკის განვითარების" ფარგლებში.

კონკურსის საფუძველზე შერჩეული რეგიონული მედიის წარმომადგენლები გაივლიან მომზადებას ორი მიმართულებით:

** ელექტრონული მმართველობის სერვისების გამოყენება ინფორმაციის მოსაპოვებლად საგამოძიებო ჟურნალისტიკის მიზნებისთვის და მთავრობის მეტი გამჭვირვალობის მისაღწევად; 
** მონაცემთა ვიზუალიზაციის თანამედროვე მეთოდების გამოყენება.

ტრენინგის გავლის შემდეგ, პროექტის მე-2 ეტაპზე, MDF გამოაცხადებს კონკურსს რეგიონულ თემატიკაზე ჟურნალისტური გამოძიებების წახალისების მიზნით. ჟურნალისტებს მიეცემათ 2 თვე საგამოძიებო მასალების შესაქმნელად. ნამუშევრების მომზადების ეტაპზე MDF-ის ექსპერტები კონსულტაციას გაუწევენ ჟურნალისტებს, როგორც მონაცემების შეგროვების, ასევე ვიზუალიზაციის პროცესში.

პროექტის ბოლოს გამოვლინდება კონკურსში გამარჯვებული 3 საუკეთესო ნაშრომი, რომლის ავტორები სერტიფიკატებითა და სპეციალური პრიზებით დაჯილდოვდებიან.

ტრენინგში მონაწილეობის მსურველმა, რეგიონული მედიასაშუალებების წარმომადგენლებმა, უნდა შეავსონ განაცხადის ფორმა 12 სექტემბრამდე.

დამატებითი შეკითხვების შემთხვევაში დაუკავშირდით
ნინო დევიძეს ტელ: 598 284 679 
ან მოგვწერეთ მეილზე: mdfgeo@gmail.com
უკან