დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
XPPBT
გაგზავნა

განცხადებები

თარიღი: 12 დეკ 2016

MDF-ის კონკურსი რეგიონულ თემატიკაზე შექმნილი საუკეთესო ჟურნალისტური გამოძიების გამოსავლენად

მედიის განვითარების ფონდი (MDF), ამერიკის საელჩოს მხარდაჭერით,  პროექტ "ელექტრონული სერვისებისა და ახალი მედიის შესაძლებლობები საგამოძიებო ჟურნალისტიკის განვითარების” ფარგლებში, აცხადებს კონკურსს. კონკურსის შედეგად გამოვლინდება რეგიონულ თემატიკაზე შექმნილი 3 საუკეთესო ჟურნალისტური საგამოძიებო ნამუშევარი.  საკონკურსო მასალა შემდეგ მოთხოვნებს უნდა აკმაყოფილებდეს:


  • გამოქვეყნებული იყოს 2016 წლის 15 მარტიდან 2017 წლის 15 მარტამდე პერიოდში ტელევიზიაში, რადიოში, გაზეთში ან ონლაინ გამოცემაში;

  • ასახავდეს რეგიონში არსებულ პრობლემებს და წარმოადგენდეს საჯარო ინტერესის საგანს;

  • ეყრდნობოდეს რამოდენიმე წყაროს და დაცული იყოს მაუწყებელთა ქცევის კოდექსის და ჟურანლისტური ეთიკის ქარტიის პრინციპები;

  • მასალა წარმოდგენილი იყოს: სატელევიზიო სიუჟეტის შემთხვევაში, flv ან mp4 ვიდეო ფაილის ან იმ მედია საშუალების ვებ-გვერდის ბმულის სახით, სადაც ჟურნალისტური გამოძიება გამოქვეყნდა; რადიოს შემთხვევაში Mp3 ფორმატის ფაილის ან ელექტრონული ბმულის სახით; გაზეთის შემთხვევაში - ონლაინ ბმულის ან დასკანერებული ფაილის სახით; ონლაინ გამოცემის შემთხვევაში - ელექტრონული ბმულის სახით.


სასურველია გამოყენებული იყოს:


  • ელექტრონული მონაცემთა ბაზებიდან ერთ-ერთი (procurement.gov.ge, my.gov.ge, declaration.gov.ge, napr.gov.ge, sao.ge, nbg.gov.ge);

  • მონაცმეთა ვიზუალიზაციის ერთ-ერთი ფორმა (ინფოგრაფიკა, თაიმლაინი. Storymap,  Atavist ).


საკონკურსო ჟიური  გამოავლენს  3 საუკეთესო ნაშრომის ავტორს. გამარჯვებულები  სერტიფიკატებითა და ელექტრონული ტექნიკით  თბილისში გამართულ სპეციალურ ღონისძიებაზე დაჯილდოვდებიან.


კონკურსში მონაწილეობის მსურველმა ჟურნალისტებმა თქვენი ნამუშევრები 2017 წლის 15 მარტამდე უნდა გამოგზავნოთ შემდეგ ელექტრონულ მისამართზე: mdfgeo@gmail.com .


ელექტრონული წერილის სათაურის ველში გთხოვთ, მიუთითოთ ,,ჟურნალისტური გამოძიების კონკურსი”. წერილში მიუთითეთ იმ მედია საშუალების ვებ-მისამართი, სადაც გამოქვეყნდა თქვენი ნაშრომი და სხვა დამატებითი ინფორმაცია ორგანიზაციის შესახებ, ასევე თქვენი საკონტაქტო ინფორმაცია (ტელეფონი, ელ-მისამართი).

დაინტერესებულმა ჟურნალისტებმა შეიძლება ისარგებლონ MDF-ის მიერ მომზადებული "საჯარო ინფორმაციის ელექტრონული რესურსებისა და მონაცემთა ვიზუალიზაციის გზამკვლევით”, რომელიც ხელმისაწვდომია შემდეგ მისამართზე: http://mdfgeorgia.ge/geo/view-library/47.


დამატებითი შეკითხვების შემთხვევაში, დაუკავშირდით მარიამ პატარიძეს  ტელეფონზე: 599-87-02-10 ან მოგვწერეთ მეილზე: mdfgeo@gmail.com .

უკან