თვითრეგულირება
"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
განცხადებები
მედიის განვითარების ფონდის განცხადება
მედიის განვითარების ფონდი შეშფოთებას გამოთქვამს 21 ოქტომბერს, ლილოს ბაზრობასთან მომხდარი ინციდენტისას დროს ბაზრობის დაცვის წევრების მიერ ტელეკომპანია "კავკასიის” ჟურნალისტის ცემისა და ITV-ის კამერის დაზიანების გამო.
ჩვენ იმედს გამოვთქვამთ, რომ სამართალდამცავი ორგანოები გამოიძიებენ მომხდარს და რეაგირებას მოახდენენ ჟურნალისტთა პროფესიული საქმიანობისათვის ხელის შეშლის ფაქტებზე.
ამასთანავე ვადასტურებთ რა ჩვენს პატივისცემას სარედაქციო დამოუკიდებლობის ხელშეუხებლობის მიმართ, გამოვთქვამთ იმედს, რომ ნაციონალური არხები მომავალში მაინც არ მოახდენენ იმ თემების უგულვებელყოფას, რომელიც საზოგადოებრივი ინტერესის საგანი შეიძლება იყოს, მით უფრო მაშინ, როცა ინფორმაცია მათი კოლეგებისათვის პროფესიოული საქმიანობის განხორციელებისას შექმნილ პრობლემებს შეეხება.