დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
JWCJQ
გაგზავნა

განცხადებები

თარიღი: 20 ივნ 2019

კოალიცია 'ევროატლანტიკური საქართველოსთვის' ეხმაურება საქართველოს წინააღმდეგ რუსეთის ჰიბრიდული ომის გააქტიურებას

კოალიცია „ევროატლანტიკური საქართველოსთვის” ეხმაურება ბოლო პერიოდში საქართველოს წინააღმდეგ მიმდინარე რუსეთის ჰიბრიდული ომის განსაკუთრებულ გააქტიურებას და ჩვენი ქვეყნის ინტერესების წინააღმდეგ ფორსირებულ შეტევად აფასებს. კოალიცია ბოლო დღეებში განვითარებულ მოვლენებზე პასუხისმგებლობას ხელისუფლებას აკისრებს და დაუყოვნებლივი რეაგირებისკენ მოუწოდებს.

სამწუხაროდ, აშკარაა, რომ ქვეყნის წინააღმდეგ ეს გააქტიურება მიმდინარეობს საქართველოს მთავრობის ინერტულობის, ან ზოგიერთ შემთხვევაში, ამ პროცესების ხელშეწყობის ფონზეც კი. საქართველოს ტერიტორიების ოკუპაციის პირობებში კი იმ რუსი დეპუტატების საქართველოში მოწვევა, რომლებიც არ აღიარებენ საქართველოს ტერიტორიულ მთლიანობას და ღია განცხადებები აქვთ  გაკეთებული ოკუპაციის მხარდასაჭერად, არის ჩვენი ეროვნული ინტერესების წინააღმდეგ მიმართული ქმედება და საქართველოს კანონმდებლობის უხეში დარღვევა.

აშკარაა, რომ წლების განმავლობაში სახელმწიფო არაადეკვატურად რეაგირებს რუსეთიდან მომდინარე საფრთხეებზე, ხშირ შემთხვევაში კი ახალისებს კიდეც პრორუსულ და რადიკალურ სენტიმენტებს, რისი დადასტურებაც არის ბოლო პერიოდში მიმდინარე მოვლენები დავით გარეჯის საკითხსა თუ „თბილისი პრაიდის” ჩატარებასთან დაკავშირებით.

ცალსახაა, რომ პრორუსული ძალები ფორსირებულად უტევენ და საფრთხეს უქმნიან სახელმწიფოებრივ ინტერესებს. ქვეყანაში მიმდინარე პროცესებზე კი სრული პასუხისმგებლობა ეკისრება ხელისუფლებას. ამიტომ მოვუწოდებთ ხელისუფლებას დაუყოვნებლივი რეაგირებისკენ, რათა შეასრულოს კონსტიტუციური მოვალეობები და იმოქმედოს ანტისახელწიფოებრივი ქმედებების წინააღმდეგ. თუკი სახელმწიფო არ იმოქმედებს დაუყოვნებლივ, ქვეყნის ინტერესებს მიადგება გამოუსწორებელი ზიანი, როგორც შიდა სახელმწიფოებრივი, ასევე საერთაშორისო თვალსაზრისით.


საერთაშორისო გამჭვირვალობა-საქართველო
საქართველოს ატლანტიკური საბჭო
ფონდი ღია საზოგადოება საქართველო
საქართველოს რეფორმების ასოციაცია
საქართველოს სტრატეგიისა და საერთაშორისო ურთიერთობების კვლევის ფონდი
სამართლიანი არჩევნებისა და დემოკრატიის საერთაშორისო საზოგადოება
საზოგადოება და ბანკები
საქართველოს პოლიტიკის ინსტიტუტი
საფარი
საქართველოს დემოკრატიული ინიციატივა
მწვანე ალტერნატივა
მედიის განვითარების ფონდი
კვლევითი ჟურნალისტიკისა და ეკონომიკური ანალიზის ცენტრი
სამოქალაქო განვითარების ინსტიტუტი
საქართველოს გაეროს ასოციაცია
მსოფლიო გამოცდილება საქართველოსთვის


უკან