დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
VHESQ
გაგზავნა

განცხადებები

თარიღი: 31 ივლ 2019

ქართველი და გერმანელი ჟურნალისტების გაცვლითი პროგრამა დეზინფორმაციის თემაზე

4-11 ოქტომბერი, ბერლინი 

მედიის განვითარების ფონდი (MDF)  გერმანულ ორგანიზაცია Deutsche Gesselschaft-თან თანამშრომლობით, იწვევს ჟურნალისტებს ქართველი და გერმანელი ჟურნალისტების გაცვლით პროგრამაში  "ყალბ ინფორმაციასთან ბრძოლა”  მონაწილეობის მისაღებად.

პროგრამის შესახებ:

პროგრამის ფარგლებში  საქართველოდან შერჩეული ჟურნალისტები სასწავლო ვიზიტით გაემგზავრებიან ბერლინში, სადაც მონაწილეობას მიიღებენ სემინარებში დეზინფორმაციასთან დაკავშირებული საფრთხეებისა და გამოწვევების, პოლიტიკურ პროცესებზე მათი გავლენისა შესახებ. პროგრამის მონაწილეებს  დეზინფორმაციასთან ბრძოლის კუთხით საკუთარ გამოცდილებას  გერმანელი კოლეგები, მედიისა და სამოქალაქო სექტორის წარმომადგენლები გაუზიარებენ.  ვიზიტის ფარგლებში ჟურნალისტები შეხვდებიან გერმანიის მთავრობისა და ევროკავშირის წარმომადგენლებსაც, რომლებიც მათ გააცნობენ, თუ რა ნაბიჯებს დგამს გერმანია და ევროკავშირი დეზინფორმაციასთან გასამკლავებლად. სასწავლო ვიზიტის დასრულების შემდეგ, ჟურნალისტები მიღებული ცოდნისა და გამოცდილების საფუძველზე მოამზადებენ მცირე კვლევას დეზინფორმაციასთან და ყალბ ამბებთან დაკავშირებული საკითხების შესახებ, რომელსაც საქართველოში დაბრუნების შემდეგ "მითების დეტექტორის” ვებ-გვერდზე, ასევე იმ მედიაშია გამოაქვეყნებენ, რომელსაც თავად წარმოადგენენ. 

სემინარების სამუშაო ენა:  ინგლისური.  

პროგრამა დაფინანსებულია გერმანიის საგარეო საქმეთა სამინისტროს მიერ.

კონკურსის პირობები

სასწავლო კურსში მონაწილეობის მსურველი აპლიკანტი უნდა აკმაყოფილებდეს შემდეგ მოთხოვნებს: 
  • ჰქონდეს მედიაში მუშაობის გამოცდილება,
  • მომზადებული უნდა ჰქონდეს მასალები ჩამოთვლი თემებიდან ერთ-ერთზე: ყალბი ინფორმაცია და დეზინფორმაციის გამოწვევები, ევროკავშირის პოლიტიკა, ევროკავშირის აღმოსავლეთ პარტნიორობა, სამოქალაქო საზოგადოება, გერმნულ-ქართული ურთიერთობები და სხვა მსგავსი საკითხები;
  • სრულყოფილად ფლობდეს ინგლისურ ენას.
ვალდებულება:

გერმანიაში სასწავლო ვიზიტის დასრულების შემდეგ, პროგრამის მონაწილეს ვალდებულება აქვს, გამოაქვეყნოს მის მიერ მომზადებული დეზინფორმაციისა და ყალბი ამბების საკითხებთან დაკავშირებული მცირე კვლევა,  მითების დეტექტორის ვებ-გვერდზე, ასევე იმ მედია საშუალებაში, რომელსაც თავად წარმოადგენს.

"მითების დეტექტორისთვის” მომზადებული მასალა შესაძლოა, წარმოდგენილი იყოს როგორც ქართულ, ასევე ინგლისურ ენებზე, რომელთა თარგმანს რედაქცია თავად უზრუნველყოფს.

განაცხადის გასაკეთებლად პროგრამაში მონაწილეების მსურველებმა შეავსეთ აპლიკაცია და გამოაგზავნეთ შემდეგი საბუთები:
  1. დეტალური რეზიუმე (CV);
  2. სამოტივაციო წერილი, რომელიც ასახავს თქვენი ინტერესების სფეროს, საკვლევ საკითხს და მისი განხორციელების გზებს (მაქსიმუმ 500 სიტყვა)
  3. აპლიკაცია: http://bit.ly/2OEbtIm 
განაცხადის წარდგენა ხდება ინგლისურ ენაზე.

დოკუმენტები გამოაგზავნეთ მისამართზე info@mdfgeorgia.ge  და ელექტრონული ფოსტის საგნის გრაფაში მიუთითეთ: "ქართველი და გერმანელი ჟურნალისტების გაცვლითი პროგრამა”.

განაცხადის მიღების ბოლო ვადაა: 2019 წლის 1 სექტემბერი

პროგრამაში მონაწილეობა უფასოა. გერმანიაში  მგზავრობისა და სასტუმროს ხარჯებს პროგრამა დააფინანსებს. მედიის განვითარების ფონდი მხოლოდ შერჩეულ აპლიკანტებს დაუკავშირდება.

დამატებითი შეკითხვების შემთხვევაში, დაგვიკავშირდით შემდეგ ნომერზე
ტელ: 2 11 20 26.
უკან