კონკურსის გამარჯვებულია, გვანცა დევიძე მულტიმედია მასალით „ამბავი ტროლებზე - მითებიდან რეალობამდე"

 

გვანცა დევიძე ივ. ჯავახიშვილის სახელობის თბილისის სახელმწიფო უნივერსიტეტის ჟურნალისტიკისა და მასობრივი კომუნიკაციის ფაკულტეტის 2017 წლის კურსდამთავრებულია. მუშაობდა უნივერისტეტის გაზეთში, ასევე იყო ლიტერატურულ ჟურნალ „ჩვენი მწერლობის" რეპორტიორი. ამჟამად, გვანცა თვითდასაქმებულია და მოსწავლეებს უცხო ენაში ამზადებს.  

 _________________________________________________________________________________________________________________________________

 

 

პირველი საპრიზო ადგილი, მოიპოვა გიორგი რიჟვაძემ მულტიმედია მასალით -  „დეფლექციური მეთოდი”

გიორგი რიჟვაძე ივ. ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტია. გაიარა, „ლიბერალიზმის სასწავლო ცენტრის"  ერთწლიანი კურსი (2016-2017 წ). წერს ბლოგებს. უყვარს ბანაკები, სეირნობა, მუსიკის მოსმენა, თეატრსა და ოპერაში სიარული, ფილმებისა და საინტერესო ვიდეოების ყურება. სურს გაიგოს ყველა სფეროზე მინიმალური ინფორმაცია მაინც. აინტერესებს ფილოსოფია, პოლიტიკა, თანამედროვე ტექნოლოგიები, გამოჩენილ ადამინთა ბიოგრაფიები, კოსმოსი და მსოფლიოში მიმდინარე ამბები.

___________________________________________________________________________________________________________________________________

 

ირაკლი იაგორაშვილი ილიას სახელმწიფო უნივერსიტეტის მეცნიერებისა და ხელოვნების ფაკულტეტის სტუდენტია. მონაწილეობდა გაეროს ასოციაციის პროექტებში - „ეროვნული ინტეგრაციის გაძლიერება საქართველოში" (ANI) და „ტოლერანტობის სამოქალაქო ცნობიერებისა და ინტეგრაციის მხარდაჭერის პროგრამა" (PITA). 2015 წელს მოკლე ვიზიტორთა გაცვლითი პროგრამით, იმყოფებოდა ამერიკის შეერთებულ შტატებში. იმავე წელს, თელავის ამერიკულ კუთხეში მუშაობდა სტაჟიორად. დაინტერესებულია ადამიანის უფლებებით, ძირითადად კი ეთნიკური და რელიგიური უმცირესობების საკითხებით.   

 _____________________________________________________________________________________________________________________________

 

 

 

თამარ გეგიძე ივ. ჯავახიშვილის სახელობის თბილისის სახელმწიფო უნივერსიტეტის ფილოსოფიის ფაკულტეტის პირველი კურსის სტუდენტია. წარსულში დაამთავრა ამავე უნივერსიტეტის ჟურნალისტიკის ფაკულტეტი.

 თამარი სხვადასხვა დროს მუშაობდა სოციალური მედიის მენეჯერისა და პიარ მენეჯერის პოზიციებზე. ასევე, სააგენტო არილი TV-ში. ამჟამად, არის On.ge-ის ჟურნალისტი.