"მედიის განვითარების ფონდი" აცხადებს ვაკანსიას ფაქტების გადამოწმების ვებ-პორტალის "მითების დეტექტორის” რედაქტორის მოადგილის პოზიციაზე.

ძირითადი ვალდებულებები:

• მედიამონიტორინგის შედეგების ყოველდღიური ანალიზი და ფაქტების გადამოწმებისთვის თემების შერჩევა; 

• ყოველდღიური დაგეგმვა და გრძელვადიანი თემების მოძიება; 

• ინფორმაციის წყაროებთან მუშაობა;

• ანალიტიკური სტატიების წერა;

• ფაქტჩეკერების გუნდის მართვა - ინფორმაციის მიღება, სტატიების დაგეგმვა, დავალებების მიცემა, თანამშრომლების ინსტრუქტაჟი; 

• ფაქტჩეკერების ნაშრომების რედაქტირება;

• საერთაშორისო პარტნიორებთან წერილობითი და ზეპირი კომუნიკაცია;

• ორგანიზაციის სხვა დავალებების შესრულება.

კვალიფიკაცია და სხვა სავალდებულო მოთხოვნები:

• ჟურნალისტად/ფაქტჩეკერად/რედაქტორად მუშაობის მინიმუმ 3 წლიანი გამოცდილება;

• ინგლისური ენის სრულყოფილი ცოდნა;

• მიმდინარე პოლიტიკურ-ეკონომიკური პროცესების ანალიზის და კრიტიკული შეფასების უნარი;

• ანალიტიკური მასალების წერის უნარი და გამოცდილება;

• უმაღლესი განათლება სოციალური მეცნიერებების სფეროში (უპირატესობა მიენიჭება კანდიდატს, რომელსაც აქვს დასავლეთის უნივერსიტეტში მიღებული განათლება მედიისა და კომუნიკაციის სფეროში);

• საოფისე კომპიუტერული პროგრამების ცოდნა; პრეზენტაციის უნარი;

• კომუნიკაბელურობა და გუნდური მუშაობის უნარი.

ანაზღაურება განისაზღვრება ინდივიდუალურად, აპლიკანტის გამოცდილების გათვალისწინებით. 

სამუშაო განაკვეთი: სრული დატვირთვა.

დაინტერესებულმა პირებმა 2022 წლის 14 თებერვლამდე უნდა გამოაგზავნონ:

** რეზიუმე (CV);

** 2 რეკომენდატორის საკონტაქტო ინფორმაცია, რომელთანაც აპლიკანტს პირდაპირი შრომითი ან აკადემიური ურთიერთობა აკავშირებს. 

საბუთები მიიღება ელექტრონული ფოსტით, მისამართზე: info@mdfgeorgia.ge | წერილის საგანში მიუთითეთ რედაქტორის მოადგილე.

გასაუბრებაზე მოწვეული იქნებიან მხოლოდ წარმოდგენილი დოკუმენტების საფუძველზე შერჩეული კანდიდატები. შერჩეულ კანდიდატებს შემდეგ ეტაპზე ჩაუტარდებათ ტესტირება ფაქტების გადამოწმებასა (fact-checking) და ინგლისური ენის ცოდნაში.