დახურვა

თვითრეგულირება

"მაუწყებლობის შესახებ” საქართველოს კანონის მე-14 მუხლისა და მარეგულირებელი კომისიის მიერ 2009 წელს მიღებული "მაუწყებელთა ქცევის კოდექსის” საფუძველზე, მაუწყებლები ვალდებულნი არიან, შექმნან მომხმარებელთა საჩივრების განხილვის ეფექტიანი მექანიზმები.

თუ თვლით, რომ თქვენს მიმართ მაუწყებლის მხრიდან ქცევის კოდექსის დარღვევას ჰქონდა ადგილი, შეავსეთ მოცემული ანკეტა და თქვენს ინტერესებს მედია საშუალებასთან ურთიერთობაში მედიის განვითარების ფონდი წარმოადგენს.
GAKJZ
გაგზავნა

განცხადებები

თარიღი: 12 ივლ 2023

დოიჩე ველე აკადემია და MDF “მითების დეტექტორის ლაბორატორიაში” მონაწილეების მიღებას იწყებს!

მედიის განვითარების ფონდისა (MDF) და დოიჩე ველე აკადემიის (DWA) ერთობლივი პროგრამა - "მითების დეტექტორის ლაბორატორია” - ფაქტების გადამოწმებისა და ვერიფიკაციის ინტენსიურ კურსზე ახალგაზრდების მიღებას აცხადებს. 


”მითების დეტექტორის ლაბორატორია” 2017 წელს დაარსდა და უკვე 251 კურსდამთავრებული ჰყავს. პროგრამით გათვალისწინებული სტაჟირების ფარგლებში კურსის მონაწილეებმა ფაქტების გადამოწმების პლატფორმა "მითების დეტექტორზე” ჯამში 500-ზე მეტი სტატია გამოაქვეყნეს.


პროგრამის ფარგლებში მონაწილეები ცოდნას და უნარებს შემდეგ საკითხებში შეიძენენ: 


  • ფაქტების გადამოწმება და ვერიფიკაცია ღია წყაროების საგამოძიებო ინსტრუმენტებით (OSINT);

  • ახალი მედია ეკოსისტემის  კვლევა;

  • კოორდინირებული არაავთენტური ქცევის იდენტიფიცირება და გამოვლენა;

  • მულტიმედია მასალების მომზადება;

  • სტაჟირების ფარგლებში სტატიების მომზადება და გამოქვეყნება ფაქტების გადამოწმების ვებ-პორტალზე www.mythdetector.ge

  • მედია და ინფორმაციულ წიგნიერებასთან დაკავშირებული სხვა თემები.


პროგრამის ბოლოს გათვალისწინებულია კონკურსი დეზინფორმაციისა და პროპაგანდის თემაზე საუკეთესო მულტიმედია ნაშრომის გამოსავლენად და გამარჯვებულთა დაჯილდოება ციფრული ტექნიკითა და სერტიფიკატებით. მოდულის ყველა საფეხურის გავლის შემდეგ MDF-ისა და DW Akademie-ის სახელით პროგრამის მონაწილეებს ფაქტების გადამოწმებისა და მედია ეკოსისტემის მკვლევრის კურსის გავლის დამადასტურებელი სერტიფიკატები გადაეცემათ.


სასწავლო კურსში მონაწილეობის მსურველი აპლიკანტი უნდა აკმაყოფილებდეს შემდეგ მოთხოვნებს:


  • იყოს 18-30 წლის ახალგაზრდა;

  • იყოს საქართველოს, სომხეთის, აზერბაიჯანის ან უკრაინის მოქალაქე;

  • ფლობდეს ინგლისურ ენას.


პროგრამის ფორმატი და ვადები


კურსის ხანგრძლივობა 3.5 თვეა. სემინარები კვირაში ერთხელ - შაბათობით MDF-ის ოფისში ჩატარდება. მონაწილეები სტაჟირებას "მითების დეტექტორში” ჰიბრიდულ ფორმატში გაივლიან, კურსის ბოლოს კი საკონკურსო მულტიმედია მასალას მოამზადებენ და დასკვნით ღონისძიებაზე წარადგენენ. 


წელს პირველად პროგრამა რეგიონული მასშტაბით ხორციელდება, რომლის ფარგლებშიც ქართულენოვან კურსს ინგლისურენოვანი პროგრამაც დაემატა. დასკვნით კონკურსში ქართულენოვან ჯგუფთან ერთად მონაწილეობას ახალგაზრდები აზერბაიჯანიდან, სომხეთიდან და უკრაინიდან მიიღებენ.


დაინტერესებულმა პირებმა, 2023 წლის 25 ივლისის ჩათვლით შესბამისი აპლიკაცია უნდა შეავსონ: ბმული 


აპლიკაციების საფუძველზე  შერჩეულ კანდიდატებს დამატებით ჩაუტარდებათ გასაუბრება.


დამატებითი შეკითხვების შემთხვევაში, დაგვიკავშირდით შემდეგ ნომერზე: tel:+995 322 11 20 26 ან ელ.ფოსტაზე: info@mdfgeorgia.ge 


იჩქარეთ, კურსის მონაწილეთა რაოდენობა შეზღუდულია!


MDF-ის შესახებ


მედიის განვითარების ფონდი 2008 წელს შეიქმნა და დღეს დეზინფორმაციის კვლევის, მედიის მონიტორინგისა და მედიაწიგნიერების მიმართულებით წამყვანი ადგილობრივი ორგანიზაციაა. 


2014 წელს MDF-მა ფაქტების გადამოწმების პლატფორმა "მითების დეტექტორი” დააფუძნა. 2019 წლიდან "მითების დეტექტორი” პოინტერის ინსტიტუტის ფაქტების ანალიტიკოსი ორგანიზაციების საერთაშორისო ქსელის (IFCN) წევრია. 2020 წლის სექტემბრიდან "მითების დეტექტორი” Meta-სთან მესამე მხარის ფაქტების გადამოწმების პროგრამის ფარგლებში ყალბი და შეცდომაში შემყვანი ინფორმაციის გადამოწმებაზე თანამშრომლობს.

 
უკან